Святар: Мір усім.
Чытач/чытальніца: І духу твайму.
Дыякан: Мудрасць!
Чытач/чытальніца: Пракімен, тон 6! “Збаў, Госпадзе, народ Свой і дабраславі ўдзел Свій”!
Хор: Збаў, Госпадзе, народ Свой і дабраславі ўдзел Свой!
Чытач/чытальніца: Да Цябе, Госпадзе, я крычаў; не адыходзь маўкліва ад мяне!
Хор: Збаў, Госпадзе, народ Свой і дабраславі ўдзел Свой!
Чытач/чытальніца: “Збаў, Госпадзе, народ Свой
Дыякан: Мудрасць!
Чытач/чытальніца: Чытанне Дзеяў апостальскіх
Дыякан: Увага!
Чытач/чытальніца чытае зачала з Апостала:
- У гэ́тыя дні, калі памнажа́лася ко́лькасць ву́чняў, узнíкла нарака́нне Элінíстаў на Яўрэ́яў за тое, што былí занядба́ныя ў штодзённым абслуго́ўванні ўдо́вы іх.
- Тады двана́ццаць Апо́сталаў, склíкаўшы мно́ства ву́чняў, сказалі: няго́жа нам, пакíнуўшы сло́ва Бо́жае, абслуго́ўваць сталы́;
- таму, браты́, вы́берыце са свайго асяро́ддзя сем мужоў паважа́ных, напо́ўненых Ду́хам Святы́м і му́драсцю, якіх паста́вім на гэ́тую спра́ву,
- а мы пастая́нна бу́дзем у малітве і служэ́нні сло́ва.
- I спадаба́лася сло́ва гэтае ўсяму сходу; і вы́бралі Сцяфа́на, му́жа, напо́ўненага вераю і Ду́хам Святы́м, і Філіпа, і Про́хара, і Нікано́ра, і Цíмана, і Парме́на, і Мікалая, празелíта з Антыяхíі,
- якіх паста́вілі перад Апосталамі, і тыя, памаліўшыся, ускла́лі на іх ру́кі.
Святар: Мір табе, чытальнік/ца!
Чытач/чытальніца: І духу твайму. Алілуя, алілуя, алілуя, тон 8!
Хор: Алілуя (тройчы).
Чытач/чытальніца: Злітаваўся Госпад над Сваёй зямлёй, вярнуў з палону Якава!
Хор: Алілуя (тройчы).
Чытач/чытальніца: Літасць і ісціна сустрэліся, праўда і мір явіліся!
Хор: Алілуя (тройчы).
