Замест Трысвятога:
Крыжу Твайму пакланяемся, Валадару, і святое ўваскрэсенне Тваё славім
Пасля:
Дыякан: Будзем уважлівымі!
Свяшчэннік: Мір усім.
Чытач: І духу твайму.
Дыякан: Мудрасць!
Чытач: Пракімен, глас 6-ты: Збаў, Госпадзе, людзей Тваіх і дабраславі спадчыну Тваю.
Хор: Збаў, Госпадзе, народ Свой і дабраславі ўдзел Свой.
Верш: Да Цябе, Госпадзе, я крычаў; не адыходзь маўкліва ад мяне.
Хор: Збаў, Госпадзе, людзей Тваіх і дабраславі спадчыну Тваю.
Чытач: Збаў, Госпадзе, народ Свой
Хор: … і дабраславі ўдзел Свой.
Дыякан: Прамудрасць!
Чытач: Да Яўрэяў Паслання святога апостала Паўла чытанне.
Дыякан: Будзем уважлівымі!
Чытач: Браты, маючы Першасвятара вялікага, Які прайшоў нябёсы, Іісуса, Сына Божага, будзем цвёрда трымацца вызнання нашага. Бо мы маем не такога першасвяшчэнніка, што не можа пакутаваць разам з намі ў немачах нашых, а Такога, што зазнаў усё, падобна нам, акрамя граху. Таму прыступім з адвагаю да прастола благадаці, каб атрымаць міласць і здабыць благадаць для своечасовай дапамогі. Таму што кожны першасвяшчэннік, з людзей выбраны, дзеля людзей ставіцца на служэнне Богу, каб прыносіць дары і ахвяры за грахі, будучы здольным спагадаць тым, хто ў няведанні і ўведзены ў зман, бо і сам ахоплены немаччу, і таму ён павінен як за народ, так і за сябе прыносіць ахвяры за грахѕ. І ніхто сам сабе не надае гэтай годнасці, толькі паклѕканы Богам, як і Аарон. Так і Хрыстос не Сам Сябе праславіў, стаўшы першасвяшчэннікам, а Той, Хто сказаў Яму: “Ты Сын Мой, Я сёння нарадзѕў Цябе”; як і ў іншым месцы кажа: “Ты свяшчэннік навек па чыну Мелхіседэкаву”.
Іерэй: Мір табе.
Чытач: І духу твайму. Алілуя, алілуя, алілуя, тон першы.
Хор: Алілуя (тройчы).
Чытач: Успомні, Госпадзе, грамаду Таю, якую сабраў ад пачатку
Хор: Алілуя (тройчы).
Чытач: Божа, Цар наш адвеку, Ты здзяйсняеш збаўленне на зямлі.
Хор: Алілуя (тройчы).
